အိန္ဒိယနိုင်ငံ၏ အကြီးဆုံးပြည်နယ် ဥတာပရာဒေ့ရ်ှတွင် ပန်းရောင်ဆာရီဝတ်ဆင်ထားပြီး သစ်သားတုတ်ချောင်းဆွဲကိုင်ထားသော အုပ်စုဖွဲ့အမျိုးသမီးများ ကိုတွေ့လျှင် သင်အံ့သြပြီး အတွေးပွားဖွယ်ရှိပါလိမ့်မည်။ ရဲဝံ့ပြတ်သားသော မျက်နှာပေးဟန်ပန်ကိုသင်နည်းနည်း တော့ဖြုံချင်ဖြုံနေမိပါလိမ့်မည်။ သို့ရာတွင်မစိုးရိမ်ပါနှင့် သင်သည် မုဒိမ်းကောင်တစ်ဦးမဟုတ်လျှင် သင့်ကို သူတို့ ရန်ပြုမည်မဟုတ်ပါ။
”ဟုတ်တယ် ကျွန်မတို့ မုဒိမ်းကောင်တွေကို ဟောဒီတုတ်ချောင်းတွေနဲ့ တိုက်ခိုက်နေကြပါတယ်”ဟု ပန်းရောင်ဆာရီဝတ်အဖွဲ့ခေါင်းဆောင် အမျိုးသမီး (Sampat Devi Pal) က ပြောသည်။ မှန်ပါသည်။ ဂူလာဘီဂိုဏ်း သို့မဟုတ် ပန်းရောင်ဂိုဏ်းဟု လူသိများထင်ရှားသော အမျိုးသမီးအဖွဲ့သည် ဥတာပရာဒေ့ရှ် ပြည်နယ်၏အမျိုးသမီးနှင့် မိန်း ကလေးငယ်တို့ အားထားရသော အဖွဲ့အစည်းတစ်ခုဖြစ်ပါသည်။
”ကျွန်မတို့က မုဒိမ်းကောင် ဒါမှမဟုတ် မုဒိမ်းကျင့်ဖို့ကြိုးစားနေတဲ့သူကို တွေ့ရင် ဟောဒီတုတ်ချောင်းတွေနဲ့မှတ် လောက်အောင် ရိုက်နှက်ဆုံးမကြတယ်။ ဒါမှ သူ့ အနေနဲ့နောင်ကျင်ပြီး နောက်ထပ်ဘယ်မိန်းကလေးကိုမှ မစော်ကားရဲမှာ”ဟု ပန်းရောင်ဂိုဏ်းတည်ထောင်သူနှင့် အဖွဲ့ခေါင်းဆောင် ဒေဝီကပြော သည်။
အမျိုးသမီးများ အပေါ် အကြမ်းဖက်ချင်သော ယောက်ျားတချို့အပေါ် ဤသို့ ပြစ်ဒဏ်ခတ်ခြင်း၏ အကျိုးသက်ရောက်မှုကိုဒေဝီက ၁၉၈ဝ ပြည့်နှစ် များကတည်းက သိရှိခဲ့သည်။ ထိုစဉ်က အိမ်နီးချင်းအမျိုးသားတစ်ဦးက ဇနီးဖြစ်သူအား အကြမ်းဖက်နေခြင်းကို ဒေဝီက မခံမရပ်နိုင်ဖြစ်ကာ တုတ်တစ်ချောင်း နှင့် ဝင်ရောက်ရိုက်နှက်ပစ်ခဲ့သည်။ ထိုအကျိုး ဆက် ကား အံ့သြဖွယ်ပင်။
ဇနီးဖြစ်သူကို အကြမ်းဖက်မိတိုင်း ဒေဝီ၏တုတ်စာမိလာရသောအခါ ထိုအမျိုးသား၏အပြုအမူတို့ ပြောင်းလဲလာသည်။ ဆိုးသွမ်းသော အိန္ဒိယအမျိုးသား အပေါ် တုတ် မိုးကာဖိအားပေးပြောင်းလဲ စေခဲ့သော ဒေဝီ၏လုပ်ရပ်က ဤတွင်ရပ်မနေခဲ့။ အမျိုးသမီးများအတွက် အကာအကွယ်လုံလုံလောက်လောက် မရသော အိန္ဒိယအသိုက်အဝန်းတွင် ဒေဝီ၏တရားမျှတမှုအတွက်လုပ်ရပ်က စံနမူ နာဖြစ်လာခဲ့ပြီး ကိုယ်ထူကိုယ်ထလှုပ်ရှား မှုတို့ နိုးကြားလာခဲ့ကြသည်။ သို့နှင့်ပင် ဥတာပရာဒေ့ရ်ှပြည်နယ်၏ ခရိုင် ၁၁ ခု လုံးတွင် ဒေဝီစတိုင်ပန်းရောင်ဆာရီဝတ် ကာ တုတ်တစ်ချောင်းကိုင်စွဲပြီး အမျိုး သမီးအခွင့်အရေးအတွက် တိုက်ပွဲဝင် နေသူ ပန်းရောင်ဂိုဏ်းဝင်အရေအတွက် ၄ သိန်းခန့်ရှိနေပေပြီ။
အမျိုးသမီးများ အကြမ်းဖက်ခံရမှု ကို ကာကွယ်ရေး၊ အရွယ်မရောက်သေး ခင် လက်ထပ်ထိမ်းမြားပေးခြင်း၊ မေတ္တာ မျှနေသော်လည်း အသိုင်း အဝိုင်းကြောင့် ပေါင်း ဖက်ရခက်နေသူ ချစ်သူစုံတွဲတို့ အား မင်္ဂလာဆောင်နိုင်ရန်စီစဉ်ပေးခြင်း စသော အနုံချာဆုံးတို့၏ အခြေခံအ ခွင့်အရေးအတွက် တိုက်ပွဲဝင်နေသော ပန်းရောင်ဂိုဏ်းသည် အိန္ဒိယနိုင်ငံလို မုဒိမ်းမှု၊ အုပ်စုဖွဲ့အဓမ္မပြုကျင့်မှု၊ အကြမ်းဖက်မှု၊ လာဘ်ပေးလာဘ်ယူပြီး မမှန် တရားစီရင်မှုတို့ ပြည့်နှက်နေသော အ သိုင်းအဝိုင်းတစ်ခုအဖို့ အားထား စရာ ဖြစ်လာခြင်းမှာ များစွာ ကျိုးကြောင်းဆီ လျော်ပါသည်။
”အမျိုးသမီးတစ်ယောက်က ပန်း ရောင်ဂိုဏ်းအဖွဲ့ဝင်ဖြစ်ချင်လာပြီဆိုရင် သူ့မှာသေချာတယ် မမျှမတဆက်ဆံခံခဲ့ ရလို့၊ ဖိနှိပ်ခံနေရလို့ ပြီးတော့ အားကိုး အားထားစရာ ဘာတစ်ခုမှ မရှိတော့လို့ပဲ”ဟု မာဟိုဘာခရိုင်၏ ပန်းရောင် ဂိုဏ်းဒုတိယခေါင်းဆောင် ဆူမန်ဆင်းမ်က ပြောသည်။ ”ကျွန်မတို့အမျိုးသမီးတွေ အား လုံးဟာ အမျိုးသားတွေ နဲ့ရင်ပေါင်တန်း နိုင်ရမယ်။ လိုအပ်လာရင် ဟောဒီတုတ် ချောင်းတွေနဲ့ အဲဒီလူ့ငနွားတွေကို ဒဏ်ခတ်ပစ်လိုက်မယ်”ဟု သူမကပြောသည်။
ကမ္ဘာ့ဒုတိယလူဦးရေ အများဆုံး အိန္ဒိယနိုင်ငံ၏အလယ်ပိုင်းရှိ ရှေးဟောင်း ဒေသတစ်ခုဖြစ်သော ဘန်ဒယ်လ်ခန် (Bundelkhand) သည် ဥတာပရာဒေ့ရှ် ပြည်နယ်နှင့် မတ်ဒ်ဟာပရာဒေ့ရ်ှပြည်နယ်ကို ခွလျက်တည်ရှိနေပြီး လူဦးရေ၏ ၄ဝ ရာခိုင်နှုန်းမှာ ဆင်းရဲမွဲတေမှုလိုင်းအောက်တွင် ရပ်တည်ရှင်သန်နေရသည်။ မိုးခေါင်မှုများ၊ စာမ တတ်မှုများနှင့် ခက်ခဲပင်ပန်းမှုတို့ကြား လုံးချာလည်လိုက်နေသော ထိုဒေသ၏ ဝိသေသတစ်ခုမှာ မုဒိမ်းမှုပင်ဖြစ်သည်။
ထိုဒေသတွင် အမျိုးသမီးတို့က ကမ်းကုန်အောင် ဆိုးဝါးခက်ထန်သောအခြေအနေနှင့် ရင်ဆိုင်နေရသည်။ အမျိုးသမီးထုကြား စာမတတ်မြောက်မှုနှုန်း က ၄၇ ရာ ခိုင်နှုန်းဖြင့် အိန္ဒိယတစ်နိုင်ငံ လုံးအမြင့်ဆုံးဖြစ်နေပြီး အရွယ်မရောက်ခင် လက်ထပ်ထိမ်းမြားခံရမှု၊ အိမ်တွင်းအ ကြမ်းဖက်ခံရမှု၊ ကလေးငယ်များအသတ် ခံရမှုတို့က ထိုဒေ သတွင် မကြားချင်မှ အဆုံး။
ထိုဒေသ၏ တစ်စိတ်တစ်ပိုင်းဖြစ် သည့် ဥတာပရာဒေ့ရ်ှပြည်နယ်သည် လည်း အိန္ဒိယနိုင်ငံတစ်ဝန်းလုံးတွင် အမျိုးသမီးများအတွက် မလုံခြုံဆုံးပြည် နယ်ဖြစ်နေသည်။ ယမန်နှစ် ၂ဝ၁၃ ခု နှစ် တစ်နှစ်တည်း၌ပင် မုဒိမ်းမှု ၁၉၆၃ မှု၊ ပြန်ပေးမှု ၇၉၁ဝ မှု၊ သတို့သားကြေး အပြည့်မပေးနိုင်၍ သတို့သမီးလောင်း အသတ်ခံရမှု ၂၂၄၄ မှု ဖြစ်ပျက် ခဲ့ခြင်းက သည်းတုန် အူတုန်ဖွယ်ပင်။ ဤသို့သော ပတ်ဝန်းကျင်မှပေါက် ဖွားကြီးပြင်းလာခဲ့သော နိုင်ငံရေးသမား မာယာဝါတီတစ်ယောက် ပြည်နယ်ဝန် ကြီးချုပ်ဖြစ်နေ သည့်တိုင် ဤအခြေအ နေကို မပြောင်းလဲနိုင်သေး။
ထို့ကြောင့်ပင် ပန်းရောင်ဂိုဏ်းက တုတ်မိုးပြောင်းလဲစေသောနည်းကို မ စွန့်လွှတ်နိုင်သေးခြင်းဖြစ်သည်။ သာမန် အားဖြင့်ဆိုလျှင် မတရားမှုတစ်ခုခုဖြစ်ပြီ ဆိုလျှင် ပန်းရော င်ဂိုဏ်းကဝင်ရောက် ညှိနှိုင်းဆွေးနွေးပေးခြင်း၊ လမ်းလျှောက် ဆန္ဒပြခြင်း၊ အစာငတ်ခံဆန္ဒပြခြင်းတို့ ဖြင့် အာဏာပိုင်တို့ တရားမျှတစွာ ဆောင်ရွက်ပေးရန် ဖိအားပေးသည့် နည်းကိုသုံးကြသည်။ သို့နှင့်တိုင် ဘာမျှထူးခြားမလာ လျှင် ပန်းရောင်က တုတ်တစ်ချောင်းနှင့် ပွဲကြမ်းရတော့မည်။
”ဘန်ဒယ်လ်ခန်ဒေသက တရားစီရင်ရေးစနစ်က ဖရိုဖရဲဖြစ်နေပြီး ယုံကြည်ကိုးစားလောက်စရာ မရှိဘူးဖြစ်နေတယ်”ဟု အိန္ဒိယအမျိုးသမီးတို့၏ ”ပန်းရောင် ဆာရီတော် လှန်ရေး” စာအုပ်ရေးသားသူ မီဒီယာသမားခန် (Amana Fontanella Khan) ကပြောသည်။
ပန်းရောင်ဂိုဏ်းထူထောင်သူ ဒေဝီ၏လုပ်ရပ်သည် ဘန်ဒယ်လ် ခန်ဒေသ တွင်အောင် မြင်နေကြောင်း ၎င်းကပြောသည်။ ”ပန်းရောင်ဂိုဏ်းဟာ အာဏာပိုင်တွေဘက်ရဲ့ပျက်ကွက်မှုကို တစ်ဖက်တစ်လမ်းက ဖြည့်ဆည်းပေးပြီး တရားစီ ရင်ရေးစ နစ်ကိုလည်း တစ်ဖက်တစ်လမ်းက ထိန်းကျောင်းပေးနေပါတယ်”ဟု ခန်က ဆိုသည်။
ထို့ကြောင့်ပင် ပြည်နယ်အစိုးရက ပန်းရောင်ဂိုဏ်းအား အောင့်သက်သက် နှင့် အသိအမှတ်ပြုခဲ့ရသည်။ လူမှုအဖွဲ့အစည်းအခြေပြုလာခဲ့သော ပန်းရောင် ဂိုဏ်းအကြောင်း ကို မှတ်တမ်းတင်ထားသော မှတ်တမ်းရုပ်ရှင်သည် အိန္ဒိယ၏ အကောင်းဆုံးမှတ်တမ်း ရုပ်ရှင်အဖြစ် ပြီးခဲ့သည့်လကချီးမြှင့်ခံခဲ့ရရာ အားလုံး ၏ စိတ်ဝင်စားမှုကို ဖမ်း စားနိုင်ခဲ့သည်။
”အိန္ဒိယရဲ့အနုံချာဆုံး ဒေသတစ်ခုမှာ အမျိုးသမီးတွေက မဟာပုရိသဝါဒကို မာမာထန်ထန်နဲ့တိုက်ခိုက်နေတာဟာ အလွန်ကိုထူးခြားပါတယ်။ ဒါကြောင့် ဒါ ကို မှတ်တမ်းတင်ဖြစ်တာပါ”ဟု ပန်းရောင်ဂိုဏ်းမှတ်တမ်းရုပ်ရှင် ရိုက်ကူးသူ ဒါရိုက်တာဂျိန်း(Nishita Jain)က ဆိုသည်။
အိန္ဒိယသည် ကမ္ဘာ့အကြီးဆုံး ဒီမိုကရေစီနိုင်ငံ တစ်နိုင်ငံဖြစ်သည်။ သို့ နှင့်ပင် မှားယွင်းစွာလက်ခံထားနေကြဆဲဖြစ်သော ရိုးရာအစဉ်အလာအချို့နှင့် အကျင့်ပျက်ခြစား မှုတို့ကြောင့် ဒုစရိုက်မှု ပုံစံမျိုးစုံတို့ ပြည့်နှက်နေရာ နိုင်ငံကြီးဖြစ်သည်။
အထူးသဖြင့်မဟာပုရိသဝါဒကြီး စိုးရာအသိုင်းအဝိုင်းဖြစ်၍ အမျိုးသမီးတို့ အတွက် မည်သည့်အခါ ကမျှ လုံခြုံစိတ်ချ စွာနေနိုင်သောပတ်ဝန်းကျင်တစ်ခု မဟုတ် ခဲ့။ ယခုအချိန်ထိလည်း မဟုတ်သေး။ ပြစ်မှုကျူးလွန်သူတို့အား ရိုက်နှက် ခြင်းဖြင့်ဖိ အားပေးပြောင်း လဲစေခြင်းကို ဆန့်ကျင်ကန့်ကွက်သူတို့ ရှိနေသော် လည်း ဒေဝီကမူ ပညာတတ်အင်မတန် နည်းပါးသော ဤဒေသအတွက် ပန်းရောင်ဂိုဏ်း၏ လက်စွဲ ”တုတ်ချောင်း” မှာ အသုံးဝင်နေသည်ဟု ဆိုခဲ့သည်။
”အမျိုးသမီးတွေအပေါ် ကြမ်းကြုတ်ရက်စက်စွာ ပြစ်မှုကျူးလွန်ခဲ့တဲ့ ယောက်ျားတွေကို အမျိုးသမီးတွေက ရိုက်နှက်ခွင့်ရသင့်တယ်။ သူတို့ကိုဖမ်း ပြီး လည်ပင်းမှာ ”ကျွန်တော်ဟာ မုဒိမ်းကောင်ပါ”လို့ ဆေးမင်ကြောင် ထိုးပေးရမယ်”ဟု ဒေဝီကပြောသည်။
ဒေဝီ၏လမ်းစဉ်မှာ အမျိုးသားများ အပေါ်ရန်လိုဟန်ရှိနေသော်လည်း အသုံး တည့်လှသည်ကို အများစုကလက်ခံထား ကြသည်။ ဆင်းရဲမွဲတေမှုကြောင့် စိတ် အလိုမကျမှုများ နိစ္စဓူဝကြုံတွေ့နေရသည့် အခြေအနေတွင် ပညာမတတ်မှုက ပံ့ပိုး လိုက်သောအခါ ဘာမဆိုကျူးလွန်ရန် လက်မတွန့်တော့သော အမျိုးသားတို့အတွက် ပန်းရောင်ဂိုဏ်း ၏ ဒဏ်ခတ်မှုကို ခံရခြင်းက နောင်ကြဉ်စရာပင်။ ”ကျွန်မတို့ ရည် ရွယ်တာက အဲဒီလိုလူမျိုးတွေ နောင်ကြဉ်သွားဖို့ပဲ။ လက်စားချေတာမဟုတ်ဘူး”ဟု သူမက ပြောပါသည်။
Ref: Gulabi Gung: India’s Women Warrior
Popular Myanmar News Journal
No comments:
Post a Comment